لە ساڵی ١٩٩٥ ـەوە دەستی بە کارکردن کردووە لە کەرتی كارەبا لە ساڵی ٢٠٠٦ وە بە فەرمی لە هەرێمی کوردستان دامەزراوە ، کۆمپانیای دلسۆز چەندین پڕۆژەی کارەبای بە سەرکەوتوویی تەواو کردووە لە دابەش كردن و دابین كردندا لە وێستگەی لاوەکی و پڕۆژەی زۆر ئاڵۆز .
کۆمپانیای دڵسۆز لە ماوەی کارکردنیدا پێشکەوتنی گەورەی لە بازرگانی کەرتی کارەبادا لە ناوچەکەدا بەدەستهێناوە بە دابینکردنی باشترین بەرهەم لە بەرهەمهێنەرە نێودەوڵەتییەکان بۆ کڕیارەکانی ، هەروەها ڕێکەوتن و هاوبەشی لەگەڵ باشترین کۆمپانیاکانی ئەمریکا و ئەوروپا و ڕۆژهەڵاتی ئاسیادا کردووە.
ئێمە لە کۆمپانیای دڵسۆز بە ستانداردی جیهانی کار لە پرۆژەکان دەکەین وتوانیومانە ستانداردی پڕۆژەی کارەبا باشتر بکەین بۆ ئاستێکی نوێ بە بەکارهێنانی باشترین بەرهەم .

لەپێشبڕکێی بازاڕدا هەمیشە کارمان لەسەر کوالیتی کارەکان بووە نەک ڕووە بازرگانییەکەی و ئەوپەڕی بەرپرسیارێتی ئەخلاقیمان جێبەجێکردووە تاوەکوو باشترین بەرهەم هاوردە بکەین کە لەلایەن زۆربەی دابینکەرانی تەکنەلۆژیای نێودەوڵەتی ناسراون و کاریان پێدەکرێت. لە کەرتی دابەشکردن، ڕووناکی، کەرتی دانانی وێستگەی لاوەکی و دەرهێنانی فیدەر و هێڵی گواستنەوە، و دواجار وزەی نوێبووەوە کە ڕێککەوتنمان لەگەڵ باشترین براندە جیهانیەکانی پانێڵ و سیستەمی خۆر کردووە

لە هەولێر دەستمانپێکرد، پڕۆژەکانمان لە هەرێمی کوردستان درەوشانەوە، ئێستا یەکێکین لە کۆمپانیا متمانەپێکراوەکان لە هەموو عێراق و ناوچەکە، لە ئێستا پڕۆژە و ئەزموونەکانمان زۆربەی پارێزگاکانی عێراق کەوتووتە کارەوە.

لە بەڵێندەرایەتی و بازرگانی كارەبادا ئێمە لەگەڵ هەردوو کەرتی تایبەت و حکومەت کاردەکەین لیستی کڕیارەکانمان کۆمپانیا گەورەكان و ڕێكخراوە نێودەوڵەتییەکان لە خۆ دەگرێت ، خاوەن باشترین تیمی پیشەیی و تەکنیکار و ئەندازیارین و پارێزگارییان لێدەکەین . لەگەڵ باشترین تیمەکانی یاسایی و ژمێریاری.

ئێمە ناسراوین بە متمانەپێکراو لەگەڵ دام و دەزگاکان بەتایبەت لە بەڕێوەبەرایەتی دارایی و ژمێریاری و هەبوونی وردبینی دارایی ساڵانەمان بۆ ئەوەی شەفافیەت و ئیعتباری تەواو بدەینە خاوەنکارەکان .